Kōmeḷeḷe jān William Swain
Al en an J-Lik J-War ej ba:
Ilo raan kein adro,
Jej lo ke ejakoļo̧k,
Mour im mantin aelōn̄ kein,
Ko rej ad jolet im mweied,
Jān ro mokta ļo̧k jān kōj
Chorus:
Libūbū, lajimma
Jitdam kapeel ej jab bwe ilo n̄a;
Kōn wōt aō jab pedped,
ilo mour im mantin aelōn̄ kein.
Jen jimor kūkki im dāpiji,
Jabōn kennaan ko an,
Rūtto ro ad i’aelōn̄ kein;
Limaro pikiri jān kōlo in,
An̄ūn Jitiam elutōk kōlo.
Chorus in an al in ej kalikkar wōn eo juōn ajiri ej jitdame bwe en jeļā manit, bwebwenato, im tartok in bwij. Juōn ian tōrre ko rem̧m̧antata n̄an jitdam ej ilo jemlok in juōn raan, n̄e “pitōk pein būbū im jimma” ej bōk jikin. Ilo iien ņe jimmaam im jibūm rej bwebwenato, jitdam im inon̄ n̄an eok. Ilo iien ne, būbū im jimma rekōn kwalok wōn ro nuku i’Majuro, i’Kwajalein im ilo Rālik Rak. Elōn̄ alen aer āliji men kein n̄an eō.
Jitdam ej koba in ruo naan: JIT (ej jalļo̧k n̄an ia); im DAM (demam ak forehead). N̄an am kapeel “demam” ej aikuij “jelmae” im jab jālļo̧k jān deman jibūm im jimmaam. Ilo juōn workshop iar pād ie ilo Honolulu, manija eo ekkā an ba: iakwe bwe in kar plug e bōrami n̄an bōra bwe in kōmaatiwaj jeļā kā aō n̄an kajjojo iami. Jet iami rej ba mantin etto eo ņe.
Ekte jitdam eaorōk? Jitdam ej jikuul eo ad ilo mour ko ad. Ke jimmaō ear jek tipn̄ol eo waan, eaar kōņaan bwe in pād iturun im “jipan̄ e.” Eaar katakin eō etek kein jerbal ko an im ilo an eouti wa eo waan eaar kwalok etan kajjojo eoeou im. Kajjojo mōttan wa eo. Āliktata, ke ej kōm̧m̧ane kiju eo ej ba: “Ilo lot ne im̧aan kiju ne ilōn̄ kwonaaj lo AK ne. Ak ne ej itok jān naan ne “jede AK eo.” Rainin ak en ej jeeban manit en am. Iaar ron̄ kōmmelele in bwe AK en ej kokrā, oktan toorlōn̄ en. Unin an ak kōnke kōrā, ilo manit ko ad, ej ijo bwij en ej itok jān e en.
Eaar itok juō ennaan n̄an jimmaō kōn ruo ajiri raar itok jino juōn aerro pād i’Kwajalein en. Ālkin an jimmaō ron̄jake an kōrā eo nejin ekkonono, eaar ba: “Bōktok erro bwe IN jek erro!” Juōn in wōņāān jab jitdam.
Ke ij pād Honolulu ekar bar itok juōn ennaan rot in n̄an n̄a. Iaar etal ippān ro rerūttolok bwe ren kapene ennaan in. Ālkin aō ron̄ naan ko aer kōn pād in, iaar ba: “Inaaj bōk box ko aerro!”
Unin ad jitdam kōnke en jab wōr pād rot kein ilōn̄. Ro rej ejaak pād jab kein RELIA, kadede.
Ak ad jikuul ippān jibwid im jimaad ej jab kōn wōt tartok im bwij im kōn tipn̄ōl. Juōn Jādede jimma eaar ba n̄an jeta: “Bōk laddik e im katakin e wa” mōn.” Ālkin an jema kwalok kilen wā mōn aolepen kwobban ile eo aō eaar mōn im jera. Ek ko rennotata ippān jinō im jimmaō. Ke jimma ej kiilļo̧k mejān, ek ko kajen āliktata raar mōn, kwobba emmar eo jān tōtto im kwobban ile eo aō jān aō kar turon̄.
Ke ij itōn jikuul i’Majuro, men eo de eo iakuij kar kōm̧m̧ane ej likit turin māj ippān et ko tema im jimmao raar jitdame eō kaki. Kwōj jitdam bwe kwōn jab mej ak kwōn jab lia.