En̄in juon bwebwenato eo Maitha Jolet ekar kōm̧m̧ane ioon Facebook ilo raan in Mae 25, 2020 jān room eo ekar pād make iaan ilo MercyOne aujpōtal ilo Bukwōn Iowa. Kar jeje jān audio kōn jerbal eo an Selina Leem.
Ej ba: Kam̧oolol Irooj m̧oktata kōn mour kab ejmour. Eļaptata ilo an kar kejeplaak eo im letok ejmour n̄an n̄a. Lewaj juon io̧kwe n̄an aolep ro jera im m̧ōtta ilo belaak ko kemen ilo laļ in. Eļaptata ro em ej ekijien ippeier ilo jukjukin pād eo ad ilo M̧ajeļ ilo tōre kein. Ro jera im m̧ōtta ilo tibidik in bar juon alen Memorial Holiday im enana bwe aolep iiō jān kar 2005 eo liktak n̄an 2019 eo jekijon celebrate Jemenei eo ad ippān doon im kam̧oolol kake. Kōn elōn̄ waween ko. Ilo ad kar kōpeļļo̧k ial n̄an kōjwōj bwe kōjwōj en maron̄ itok n̄an America in im pukot men ko rem̧m̧anļo̧k. Bōktok ajri ro bwe ren jikuuļ im lelōn̄ļo̧k jidik jepkin mour kein adwōj ilo ad itok n̄ an America in.
Ilo kar May 5 raan eo, ilo iiō in, iaar deļo̧n̄ kōn nan̄inmej in COVID-19. Im ilo iien in ij kōnono, em̧ōj aō 95% recovery. I bōjrak in diwōjļo̧k n̄an m̧weo im̧ō. Ekkar n̄ an taktō eo aō ej ba ejmour kiiō im imaron̄ ro̧o̧l. Eļaptata ra eo an ejmour im ej kajjeon tariņaeik nan̄inmej in me epen im ejjeļo̧k en emeļeļe kake. Iaad deļo̧n̄ iaar ļōmņak ej bwe wōt aō ejmour ilo tōre eo. Ālikin aer likit eo ilo bed, ejinoe attack im ijo eļap an kar attack e ilo erru. Iaar bōk nan̄inmej in pneumonia im iaar jaje ke ipād ilo pneumonia. Ekkar n̄an kar condition eo ke iaar deļo̧n̄ tok ilo hospital. Im ilo rainin, ej mark e 20 raan in aō isolate ilowaan ioon room. Ejjeļo̧k en ij loe. Nurse ro wōt im taktō eo rej itok jibbon̄, raelep, jota, im iien kauno ko. Bōtaab em̧m̧an eo in ad wōr juon kōjatdikdik ippa ke Anij Ej ial eo im mooļ eo. Em̧ōj aō likit ippa ilo raan kein 20 ilo aō watōke ej jet raan ko me reaitok. Bōtaab ilo aō kar kōjparok mour im ejmour en̄ in imaron̄ bar ro̧o̧l.
Kam̧oolol Irooj bwe E wōt ej un jān men otemjej ilo ad pād im mour. Ej ial eo im mooļ eo. Ejjeļo̧k bar ial ijello̧kin wōt reiļo̧k n̄an e ilo jabdewōt iien ko reppen, jabdewōt iien ko rem̧m̧an, im eļaptata tōre in laļ in ej tariņaeik juon nan̄ inmej eo me ejjeļo̧k emeļeļe kake. Scientist ro reļap an laļ in, kien ko rekajoor an laļ in, im armej otemjej em̧ōj aer em̧ akūt kōn nan̄inmej in im juon nan̄ inmej eo me in aō kōtmāne juon nan̄ inmej eo me ejaje m̧ anit. Ejjeļo̧k an kōļmenļo̧kjeņ, ejjeļo̧k an tūriam̧o, im ejjeļo̧k jinen im jemen ilo aō watōke.
Joļo̧k bōd bwe inaaj kwaļo̧k naan kein ak eļap aō em̧ōņōņō bwe kiiō ij pojak in diwōj im loe kōrā eo, ajri ro nejū kab jibū. Eļaptata jukjuk in pād in. Ij io̧kwe im mour ippeier im ilo am wōj pād im jipan̄ doon. Kōm̧akit aelōn̄ eo ad, laļ eo ad, eļaptata m̧anit eo. Ekwe, ipojak in em̧akūt jān aujpōtal kiiō. Jibadōkļo̧k kapijuknen im n̄an ro jera im m̧ōtta rej loe enaan jidik in aō. Ikōņaan wōt likit jidik aō naan in advise nan kōj wōj jim̧or ke kōj wōj en bar kōjparok ļo̧k jidik. Ijeļā ke ewōr juon m̧anit kōjwōj ad dik im rūttoļo̧k lowaan, iminenen kake, im kab m̧anit in ippān doon ko, kemem ko, m̧ōņōņō ko ipped wōj. Jet kein m̧ anit elukkun pen ad juļo̧ki. Ak ilo tōrein ej juon eo me epen n̄ an kōjwōj jim̧or. Im ej naan eo aō in ke bar kōjparokļo̧k wōt jidik. Kajjeon ļoori ta ko me kien eo ad kab administration eo kab ri jerbal ro im ilo an. Eokwe, ijeļā ke Marshall Islands ejjein tōpar nan̄ inmej in bōtaab ij tōmak im kōjatdikdik ke juon raan juon iien enaaj jejjet ekwe Anij wōt emeļeļe.
Good afternoon n̄an aolep im lewaj juon jeram̧m̧an ilo weekend, holiday emmanmon in. Em̧ōj an 50 state peļļo̧k ilo tōre in im elōn̄ warning ko kab elōn̄ advise ko rej liļo̧k n̄an armej bwe ren maron̄ ļoori n̄an kōjparok bwe en jab ajeeded nan̄inmej in COVID-19. M̧ae tokālik, Anij en kōjparok aolep. Kom̧ em̧ool.