Read in English: New Majuro Sports Team Raises Interest in Soccer for Marshallese Worldwide
Marshall Islands Soccer Federation (MISF) rej scout ñan rikkure, coach, im administrators ilo US bwe ren jipañ er ilo kōttōpar eo aer ñan ikkure ippān aolep laḷ. Ewōr aer website ilo www.rmi.soccer. Ejutak kōn jerbal eo an Shem Livai kōn itok-limoun eo an neji ajri nan ikkure soccer ako rej loe ejjeḷọk jikin soccer ak tiim ko ilo Majuro. Kiiō aolep aer jerbal ñan bōktok soccer ñan Majuro kōn aer volunteer.
Ṃōṇōṇō jān kar lolak eo an ñan Majuro jān UK, me ekar kōḷḷāik jān sponsor ro, MISF Technical Director Lloyd Owers ekar tal ñan Majuro ñan kōkkar juon burokraam ñan katakin soccer im kōnono ippān Kamittee eo an Olympics im barāinwōt kajjitōk jikuuḷ ko ñan likūt soccer ilo ilo jikuuḷ būrookraaṃ. E kijooror kōn maroñ enaaj waḷọk ñan riṂajeḷ ro ewōr aer iakwe ñan soccer jekdoon ia eo rej pād ie ilo laḷin.
“Kōttōpar eo an MISF bwe aolep armej in Ṃajeḷ remaroñ ikkure soccer im ikkure ilo level eo ekkar ñan er, meñe emaroñ ippān ro ṃōttad akō emaroñ barāinwōt ilo laḷ ko jet ilo aer ikkure kōn aelōñ in Ṃajeḷ.”
Meñe project eo an Coach Owers, eo ej jerbal ilo UK eo, ekar bōk e wōt ñan Majuro, ḷōmṇak eo an Soccer Federation ej ñan kabbōk armej in Ṃajeḷ jān jet ko laḷ ilo laḷin ñan koba doulul eo an rikkure, coach, im administrators ro aer.
“Ñe kwe RiṂajeḷ im ewōr am ikdeelel in ikkure soccer je ṃōṇōṇō in roñ jān kwe. Kōm ej kate kōm ñan kadek ikkure eo an soccer ñan ajri, eṃaan, im kōrā ilo soccer im Futsal,” Owen ekar ba.
Futsal ej barāinwōt soccer akō tiim ko eddik im ikkure ilowaan em. Jej kile bwe eḷap an eddek, kōnke edikḷọk aikuij im ejjab koobob keid ñan ikkure soccer inabōj.
Federation e ekar oṇea Pat McStay enoot aer Head of US Recruitment bwe en jipañ ro rekōṇaan ikkure en wōr aer kepaak juon ilo US. “Ij reiṃaanḷọk in roñ jān jabdewōt ilo US me ej RiṂajeḷ im ewōr aer ikdeelel in bōk kōṇaan ilo eṃṃakūt in ad ikijjien soccer. Ij pād ilo Richmond, VA im time zone e aō meḷeḷein imaroñ ḷap aō el im lale rikkure im officials ro ilo būrookraaṃ e ad.”
Kalōk jān kar juon iiō eṃṃan ilo 2023, Federation e ej reiṃaanḷọk ilo bōkḷọk juon tiim bwe en ikkure ilo 2024 Micronesian Futsal tournament im barāinwōt jeṃṃaan (host) i international soccer match ilo Majuro kein kajuon ilo iiō in laḷ.
Rej barāinwōt būḷāān ñan jeṃṃaan (host) soccer camps ilo bwijin jikin ko ilo US ilo 2024.
Federation e eṃōj aer jinoe juon Futsal league ilo Majuro ippān būrookraaṃ ko kajojo wiik, kobaḷọk ippān trainings sessions ñan ajri im kōrā. Rej barāinwōt kōṇaan ippān Ministry of Education bwe ren katakin local coaches bwe ren jeḷā ak ṃōkade ilo ikkure eo an soccer im kobaik kurre in ilo jikuuḷ būrookraaṃ.
Pat McStay, aer Head of US recruitment, ekar ba bwe Ṃajeḷ ej laḷ eo wōt ejjeḷọk tiim ñan ikkure soccer – ṃae iien kiiō! Ewōr ḷapḷọk bwebwenato kōn Marshall Islands Soccer Federation ilo jet ko nuuj.
Joñan tōprak in Federation e ilowaan jiljino allōñ ej kwaḷọk aorōk im el in soccer ilo ane ko. “Kōm ej likjak in kadek ḷọk ikkure in im kōmim kōṇaan kōjerbal soccer āinwōt juon wāween ad maroñ kōḷapḷọk jeḷā kōn abañ ko armej in Ṃajeḷ ej ioon e ñan aolep aelōñ ko. Eṃōj ad kepaak sponsor ro jān aelōñ ko jet im bwebwenato e ad eṃōj an waḷọk ilo jet jikin nuuj āinwōt ESPN im New York Times.”
Ekkar ñan GoFundMe peij me ekar post jān the Marshall Islands Soccer Federation, kōttōpar eo ej ñan Marshall Islands bwe en juon aelōñ me ej member in the Oceania Football Confederation (OFC) im barāinwōt, FIFA. Bwe en waḷọk menin, the Marshall Islands Soccer Federation ej aikuij kwaḷọk ikdeelel im kakobaba jān ri Majel ro ñan ikkure kab en kōtōprak wōnāān ito-itak, kein ikkure, kaminene im ikkure. Er make kar kakonana jimatan in wōnāān jilkinḷọk kein ikkure, ñan Lloyd Owers bwe en katakin ri coach im leḷọk katak ko ñan ri kaki in PE bwe ren kōṃṃan iien in ikkure ñan tiim eo an eṃaan, ikkure eo an ajri im katakin ri coach ro. Eḷaptata, the MISF ekōṇaan bwe armej ren itok im jutak likin tiim kāāl e im kajeoñ ikkure!
Ñe kwōj kōṇaan bōk koṇaaṃ ilo būrookraaṃ e, jouj im kepaak Pat McStay ilo email, ak kwōmaroñ kane Recruitment Form e.
Shem Livai im tiim eo an MISF, ekar jinoe ilo 2020, ñan ro rej kōnaan ikkure soccer ilo Majuro. 
Lloyd Owers, juon coach jan UK, ej katakin soccer ñan ajri ro ilo soccer clinic kar jeṃṃaan ilo Delap. 
Ajri ro rej katak ikkure in soccer ippān MISF. 
Ajri ro rej katak ikkure in soccer ippān MISF. 
Ajri ro rej katak ikkure in soccer ippān MISF. 
Eṃaan ro rej ikkure Futsal, āinwōt soccer akō ñan tiim ko eddik im ilowaan em.