English: https://aejemjem.com/springdales-thin-blue-line
Written by: Melanie Carbine
Translated by: William Swain
Monitor Elementary Jikuul ej juōn ian jikuul ko ijo Ri Majōl in ej police opija Robert Aini e kar jerbal, kajeikik an wa ko ettōr, itūro̧o̧l ippān jukjukin pād eo an jikuul eo ijin, ekkā an ņa melon kook ikōtaan jikuul eo im baamle in Majōl ko. Men̄e imōn jikuul ko rar kilōk, ri jikuul ro rar kōm̧m̧ani im lilok jerbal ko aer kajjojo wiik im bōki ajeej ko kijeer ilo mōkein imōn jikuul. Opija in eaar wōnm̧aanļo̧k ilo an kōjparoki mōko imōn jikuul koba ippān lolok ko n̄an mōko imōn armej. Opija Aini e kijon̄ lale bwe ri jikuul ro im baamle ko aer rejokane im jipan̄ kōn ukook ikōtaan baamle kein im jikuul eo ijin. Eaar ba: “Ri kaki ro rekar tōpar ri jikuul ro aer ilo mejatoto, ak ejjab aolep rijikuul ewōr aer maron̄ n̄an tōpare internet kōn men in e kar kanuj pen n̄an jet iaer. Jet iaer rekar emakit ak ukōti telefon nōmba ko aer im jab kōjeļaik jikuul.” Opija e kar kanuij aorōk ilo jipan̄ jikuul kein bar kobaiktok ippan ri jikuul ro rej Ri Majōl.
Springdale e kar uwaaki ikteltel ko im̧aanļo̧k ipeļaakin Amedka in kōn ukōt imōn pilijmāān ko ilo aer ukōtļo̧k ri jerbal ro ilo ra ko ilo imōn bwilijmāān im mejek ekkal kōtaan emman ippān jukjukin pād ko. Wāmourur in ainitok ri jerbal ro rōāinjuōn jān doon im ewōr aer kapeel ilo kajin eaar bōk jikin bwe ren bwilijmāān n̄an jerbal ippān jukjukin pād eo ilo Springdale im ej eddōkļo̧k oran armej ie kōn Ri Majōl im Ri Spanish. Ra eo an Bwilijmāān ilo Springdale ewōr 3 Ri Majōl rej bwilijmāān ie, Gomez Zackious, Lola Juj, im Robert Aini, im 1 Ri Majōl ri jerbal. Rej bar kōjerbal 17 Ri Spanish bwilijmāān. Ilo Maaj eo, SPD eaar likit jet pija makitkit ilo kajin Majōl im Spanish ilo Facebook peij eo an. Opija rein Zackious im Lola Juj rar likit juōn pija makitkit ilo kajin Majōl kōn COVID-19 ilo SPD Facebook peij. Opija Aini eaar barāinwōt rōjan̄ aolep “eļaptata ri Majōl ro mōtta bwe kōpata in ad ippān coronavirus enaaj retook im kōmmetak” im n̄an wōnm̧aanļo̧k im kōm̧m̧an social distancing.
Men̄e kōjjemooj ko kōm̧m̧ani n̄an imōn bwilijmāān remaron̄ bar jān imōn bwilijmāān n̄an jikin jelālokijen im service ko jet ilo jukjukin pād in, juōn emaron̄ ban bōk jikin eo juōn. Jikuul Resource Opija pirokiraam eo ilo Springdale ej juōn Ian ko relļaptata ilo bukwōn in Arkansas. Kōllāiki kōn jāān jān federal COPS grant eo, ewōr 18 jikuul resource opija ilo jikuul ko an kien ilo Springdale. Rej jab wake wōt campus ko an jikuul, etali jorrāān ko rej waļo̧k, im kajeikik ialan waan ettōr ko, rej barāinwōt ri kaki n̄an kilaaj in ājmour im kilaaj in kakien ko. Rej jipan̄ ri jerbal ro an jikuul n̄e men eo ej bōk jikin enaaj ekkarļo̧k bwe law enforcement en bōk kwoņaaņ ie. Rej barāinwōt kōmakitkit Springdale High Jikuul Law im Public Safety Academy pirkiraam eo jilu iiō aetokan eo me ej kadelon̄ ie 60-65 ri jikuul kajjojo iiō. Ilo summer, rej kōmmane juōn pirokiraam ruo wiik aetokan n̄an ri jiikuul ro im rej pād ijin jān jiron̄ jān jikin ekajet ak jān jemāer im jineer ak jān aer make kōņaaņ. Ewōr enan̄inļo̧k 40 rej pādI ilo kajjojo session (ruo session juōn summer). Ilo summer ko remootļo̧k, n̄e ri jikuul rej itōn mōn̄ā in raelep ilo imōn mōn̄ā eo an jikuul, ekkā am lo an Jikuul Resource Opija (JRO) ikkure basketball ippān ajiri rein.
SRO pirokiraam eo ej juōn wōt ian waanjon̄ok in wāween ko ra eo an bwilijmāān ej jerbal iloan jukjukin pād eo n̄an dāpij lōke eo an armej im lale bwe kakien im koņ jān emman in mwil in armej, (good citizenship), jon̄ok kwalok n̄an epepen ko i’laļ jān ro rerūtto im jikin jikuul (education). Ra eo an Bwilijmāān ilo Springdale eaar kōm̧m̧ane juōn ennaan ilo Juwūn 3 eo bwe ej riie im ej juraake jim̧we ko an armej iumin jemān-ae eo n̄an kuk im kiteltel ilo aenōm̧m̧an. Joke, eaar kakkōl kōn ikteltel ko in rakim im ko̧kkure im rej jāliktak kōn wāween ko rej bōk jikier. Police Chief eo Mike Peters eaar bar kameeje bwe: “Springdale Police Opija ro rekanuij jeļāņae im re kee n̄an ņa mellan onaake armej ilo jejjet im ejjelok kaljekļo̧k im ņa mellan kōjparok n̄an aolep ro uwaan jukjukin pād in. Kōmij kammolool kom kōn remake in ami ejjab jemlok eļaptata ilo iien kein reppen.”
Opija Robert Aini kar lotak im rūttoļo̧k ioon Ebjā. Opija Robert Robert Aini eaar jerbal ilo U.S Military. Eaar kobaļo̧k ippān SPD ilo 2015 eo, im ilo iiō ko jilu remootļo̧k e kar jerbal āinwōt juōn jikuul resource opija.
