Read in English – In Memoriam: The Honorable Yosiwo P. George
Translated by: Dania Narruhn
Nón Akos 14, 2022 ewe mwuun Federated States of Micronesia a apioni fiti ar chupun me netipeta pun ámafen Yosiwo Palikkun George, ewe Vice President nón ach we muun FSM a sopono. Vice President Yosio Palikkun George emon chon fangetá manawen ne angang fanitan ach we muu fan etures me wenechar ese or kapaseisin nón ier chomong. I emon chon achocho fanitán epwe or ach ngaseno me ach feioch nón ach ei mwuun FSM. Ámáfen YPG emon chon fangeno manawen me an pochokun ren an epwe feifeitá me eochuno mwuun FSM. Nón pusin nónomun me pwan nón an angang I emon “ a chiechi ngeni meinisin nge esapw aputa mwo emon”. Ina chok usun ngeni meinisin aramas, ngeni kinamwein mwuu pwan ngeni chiechian me an tong ngeni aramas ese nifinifin.
Yosio Palikkun George a uputiw won ewe fonu Kosrae, nón Sunae 24, 1941. Murin an awesi elementary school nón kosrae, a no ngeni ew sukkun nón Pohnpei, iwe a sachungio seni ewe Pacific Island Central School nón 1963. I mi pwan no seni ewe College nón Guam , murin a pwan no ngeni ewe ew program e fis nón ewe University of New Mexico. YPG a pwan sochungio seni ewe University of Hawaii a angei neun BS degree nón pekin Mathematics nón ewe year 1969. Nupwen a poputáni an angang, I akom emon engineer ngeni ewe Pohnpei Transportation Authority. Murin a emon sense nón ewe Colonia Elementary School. Murin a pwan emon meinap nón ewe ofesin Social Security e nom nón Saipan fanitan ewe Trust Territory of the Pacific Islands.
Yosio Palikkun George mi chok sopweno an pwapwaiti pekin káeó (Education), me pekin tumunun inis (Health) me pwan an pwapwaiti ne angang faniten aramas. Yosio Palikkun George I ákáewin lieutenant Governor nón kosrae (1979-1980), a pwan emon Director ngeni ewe ofesin Social Services. Murin a emon Governor nón muun kosrae.(1983-1991). Seni ier 1992 ngeni ier 1995 a emon Ambassador nefinen FSM me UN. Yosio Palikkun George a pwan I, aengonun FSM Congress. A emon Senator nón ukukun ruánu ier, murin a emon Chief Justice nón ach we Supreme Court nón Kosrae tori ewe ier 2006. Murin pwan ekoch ier, a emon chon meinapeni iká emweni ewe MiCare Health Insurance program. Murin a kefinitá pwe epwe Ambassador ngeni US me pwan ewe state of Israel. Nón 2015, Yosio Palikkun George a angei an apon fanitan ewe wis Vice President nón ewe mwuun FSM (I ewe awanuwen Vice President nón FSM) chiechien President Peter M Christian. Yosio Palikkun George a pwan kefinitá sefán ngeni ei wisen Vice President chiechian President David W Panuelo tori an a mano.
Nón Sunae 17, 2022, ewe mwuun FSM a kuna ekoch case ren ewe semwen Covid 19 me nón Kosrae me Pohnpei. Ewe mwuun FSM a pwarata pun nón Sunae 24 ewe vice president Yosio Palikkun George a tonóng nón pioing nón Pohnpei faniten an nom ren monun ei semwen covid 19. Murin an ese jiwen wor monun ei semwen ren a tou seni ewe pioing nón Sunae 29, nge Yosio Palikkun George a sopweno jok ne mefi an apwangapwang. Murin fitu jok rán a pwan niwinóng nón pioing nón Akos 1. Nón ewe Akos 14, a fen chomongono chon torir monun ewe semwen a fen nap seni ukukun 7,000 nge a ukukun 19 ra mano ren ei semwen. Chiechien Yosio Palikkun George chon angang ra apasa ar nóninen faniten vice president pun ir mei sinei an kewe semwen me apwangapwang nupwen ese mo tori ei Covid-19 pwan tori ar kuna an mutir apwangapwangeno nón ei saingon weeken an manaw. Ewe Vice President itá an mochen pwe epwe no ngeni Kosrae an epwe no ren an family. Fiti ach netipechou, sia kapong ngeni vice president a feino ren Kot. Sia fiti pwin kewe me fefinan nón ei Federated Stated states of Micronesia nón ar netipeta. Amo epwe asoso nón fonuwen we mi ning Kosrae, amo ei semwen epwe kauno ne angeiano atongeach me chiechiach, pwan ekkewe ra mukono, me souemwenin nón ach kei eterenges.