Iaar maron̄ jijet ippān Melanie Carbine im kōnono kake jibadek ko an. Eaar juon eo ear jokwe Majuro im Ebeye. Kiiō ej ṃadṃōde juon jerbal eo eḷap tokjen im ejan̄in kar kōṃṃan juon alen. Ej jinoe juon māākjiin eo enaaj jeje ilo Kajin Ṃajeḷ im naaj ṇaetan Aejemjem.
Aejemjem: Jeje in Kajin Ṃajeḷ ej juon māākjiin ilo Kajin Ṃajeḷ eo enaaj diwōj waj emen alen ilo juon iiō. Jibadbad im kōtōpar eo an māākjiin in ej n̄an leḷọk jikin an armej in Ṃajeḷ kwaḷọk aer ḷōmṇak im bwebwenato ko aer. Māākjiin in ej ṇa etan Aejemjem bwe kōnke ekalikkar kajoor in naan an maron̄ ukot im kāḷọk.
Ilo māākjiin in ad, enaaj wōr bwebwenato ko·’bwebwenato in etto im raan kein, im barāinwōt ko eṃōj ukōt n̄an Kajin Ṃajeḷ. Enaaj wōr pija bwebwenato ko im naaj ejaak jān ekkarōk in pija ko im meḷeḷe ko jeje ilaḷ in pija kein. Enaaj barāinwōt wōr bọem im naaj roro ko.
Māākjiin in enaaj juon jikin meḷeḷe im katakin bwe jān kapeel ilo men ko ad makmake. Enaaj ijo ajri rein nejid ak kwe im n̄a, jenaaj jiṃor ekatak im eddōkḷọk jān kapeel ko ad, im enaaj āinwōt n̄e jaar jitdame doon. Melanie ej antoone an jikuuḷ ko naaj kōjerbal māākjiin in n̄an katakin ejjab kōn wāwein kōnono wōt ak barāinwōt kōn ṃanit eo, bwebwenato ko ad, im aolepān wonṃaanḷọk ko ad.
Lale: https://www.facebook.com/aejemjem
Rọọlḷọk n̄an pepa https://chikinmelele.com/from-the-archives-september-23-2015/.
Written by: Patrick Boaz