Kōmeḷeḷe jān William Swain
24 Julae 2020, Salt Lake City, UT—Wiik eo ļo̧k jaar kajjeon̄ kōmeleleik jabōn Kennan in an jaar ron̄ jān lōļļap ro jemād im jimaad im aorōk in ilo ad eje juōn me. Jaar bar likit jet meļeļe kōn wāween an naan in maron̄ jerbal ilo jekjek ko jet ilo mour. Āliktata, ilo wiik eo ļo̧k je kar kōjerbale naan in “aini wōd eo” ippān jabō kennan in “jab kōmakit dekkein jinme” kōnke ilo adwōj delmae coronavirus in, eļap an aorōk bwe aolep lōmņak ko ad Ri Majōl ren juōn wōt ippān ri tōl ro ad ilo kien, manit, im kabun̄ kōn wāween ad anjo jān virus in im lōļļap ro jemed im jimaad remaron̄ kar et lep e “lakielel in e man kōj.”
Bwe ilo lukkuun m̧ool eo, “lakielel” in kapen eo eļap ad i’Majōl, Lainjin, eaar je rak e em̧ōj an man kōj. Wōn iaad enaaj jumae enan̄in bukwi Ri Majōl ņe em̧ōj an likit mour in? Deacon Martin Anien, juōn eo ejjab ettoļo̧k jān kōrā e pālleō, ilju renaaj ilomej ippān. Kōmij būromōj waj ippān kōrā ņe jinōm im ajiri raņe, ak kōn an Springdale ņe kanuij “bwijiuwe” im “kitōkmaro” kōn coronavirus, eokwe eļap ekkōl ilo kōm n̄an kepaake waj jikin kwelo̧k emanmōn ņe. Ij joļo̧k aō bōd kadede ippān nukwin kein jimor an Martin. Mej eo kein kaen̄oul-ruwatimjuōn ad Ri Majōl ilo Arkansas WŌT in.
Ijo in me eaorōk bwe ri tōl rein ad aolep ilo manit, kien, eklesia, im douluul ko kajjojo ren “Aiin Wōd Eo” bwe ilo kolmānļo̧kijen, kōpopo otemjej ņae coronavirus in. Imaron̄ ke kakememej ri tōl rein ke ilo iien ko jukjukin pād in eaikuij “wōdejipel bwe ra in e itōn bun̄ it kōj”, armej ro komij tōl er ej iien rot eo in komij jāde im̧aan im aini armej rein komij seperd e er. Ejjab iien post ilo Facebook melele ko rōkapokpok, āinwōt ad kar kwalok jet wanjon̄o̧k ilo jekjek in ekkonono in. Elan̄n̄e ej pok wōt, eokwe kakemejmej eo in: “Kōn Dr. Ņe jema Sheldon Riklōn̄ eaar walok naan in—“Ke kwōj ba kwe an ri Majōl taktō, kwo maron̄ ke kwalok jete ri Majōl kwaar taktō iki n̄an rainiin?” Naan in eaar itok jān Facebook Live eo an Justin Aine. Dr. Riklōn̄ emaron̄ jab taktō iki kom ri Majōl—I jaje—ak inne lok eo juōn eaar akwelap bwe Tyson Foods en kōpelloki factory ko an bwe en make inspect i. E kab Consul General ne ami rar kōm̧m̧ane men in. Elan̄n̄e eaar jab pass inspection factory kane, Dr Riklon̄, Consul General ne im ri kien ro an State ne, im CDC remaron̄ lkikbade juōn abn̄ōņō bwe factory eo ettoon en kilōk. Ta ejjab jerbal n̄an kōj ri Majōl men in ke?
Ruo wiik tok ālik ij bar lo juōn post eija jān Mr Aine wōt. “Kom ri Majōl, komin jaini petition ņe bwe n̄e e kilōk jikin jerbal ne am ilo imōn kōm̧m̧an bao kane, innām en wōnm̧aanļo̧k wōt wōņāām.” Elan̄n̄e inspection ņe ilōn̄ en kar bōk jikin, innām petition ņe enaaj kar kanuij bidodo an wōm̧aantak kōnke ej pedped ioon kam̧ool.
E bar lōn̄ kam̧ool, ak inaaj letók wōt juōn. Inne iaar bōk juōn call jān Pacific Northwest. Juōn baamle ej quarantine kiiō ālkin wōt an kōrā eo jinen baamle in kar jepļaaktok jān mej e ilo Springdale jet wiik remootļo̧k. Komij kememej ke mej eo Ri Kaki Lōme eaar kwaļo̧k an kōraate an armej “itok n̄an iien kein relļap an Anij im ekkōņak tok pinjān botier?” Eokwe kōrā in e ban kōmat im onaake baamle in an bwe e eo juōn Ri Kaki Lōme eaar ba jab pines botūmi. Jej kammoolol bwe ejjan̄in dolool, ak elan̄n̄e enaaj im enana ilju eo an, innām ta?
Ak jen bar jepļaaltok n̄an “me”. Me ekkā wōt ad lōmņak kake bwe ej jikin aujiid ek. Ak ij kememej juōn al ekkōn in lōļļap ro i’Namdrik, ej ba ilo eoon 1: “O aō jikin koone im ej aō likōbejn̄ak; Aō ME in tilekeek e pen jamin rup; Ijo inaaj lo aō kakkije, ijo jikū; Jikū inddeo; Aō lāmoren, ij jamin ilo̧k jān e.” Jouj im bar riiti naan kein im kom naaj lo ke ME ņe ekkonono kake ilo al in ejjab juōn jikin aujiid ek. Bwe ej juōn jikin am tilekeek; juōn likōbejn̄ak, juōn lāmoren, jikū ̃n̄an indeeo.
Ilo an ettōū en delon̄tok iloan me en, ej ko jān ek ļap ko. Me en ej juōn jikin an ettoū en ko, juōn an likōbejn̄ak jān ek ļap kan rej itōn kakkure. Ilo juōn wāween ba ej āinwōt juōn JA e lur im lae im ejjelok mennin kakkure ak lōkatip iloaan.