English: https://aejemjem.com/campus-vision-community-event/
Translated by: Melanie Carbine, Ngarangi Mateariki
Iloan 8 allōn̄ ko remootļo̧k, eaar jinoe būļāān (plan) n̄an kōļapļo̧k kāām̧pōj eo an Jones Center ilo downtown Springdale. Rej jerbal ippān architect ro — kumi eo ej kōm̧m̧ane būļāān im pija in melaaj ko — ilo Denver etan Civitas Inc. Ilo M̧ōttan eo kein Kajuon, raar kajjitōk ippan ro ilo jukjukin pād eo bwe ren leļo̧k lōm̧ņak ko aer. Kiiō, būļāān in ej wōnm̧aanļo̧k n̄an m̧ōttan eo me enaaj kalikkar tibidikin jerbal eo.
Ilo M̧ōttan eo kein Karuo, kumi in enaaj jinoe būļāān e oktak ko n̄an kōm̧anm̧anļo̧k kāām̧pōj eo. Aolep rej ruwainene n̄an koba lok im ioone ro uwaan kumi eo ej loloorjake būļāān eo ilo Nobōm̧ba 11, Taije in, jān 4PM – 8PM. Kom̧ maron̄ etal n̄an alooje im katak kake peļaakin kāām̧pōj eo kab lale wāween an ri architect ro kōjerbal mejatoto eo ipeļaakin jikin n̄an aer būļāāne āinwōt meram, melaaj, men in eddek, em ko im aikuj ko an ro armej n̄an kakkije, ikkure, im an aiboojoj. Enaaj lōn̄ m̧akūtkūt n̄an kaloojoj im ekkatak. Kab enaaj wōr m̧akūtkūt ko bwe ajri ro remaron̄ ikkure ilo meļaaj in ko̧o̧n im kōm̧m̧an pija im al. Enaaj wōr juon prize in menin eddek in Arkansas im jet prize kwomaron̄ wiin n̄e kwōpād wōt.
Chef Judy Tatios, owner in Street Iakwe Eulala, enaaj wia kake BBQ. Enaaj barāinwōt wōr m̧ōn̄ā jān Odd Soul, Big Sexy Food, im Brightwater: Study of Food, India Dhaba im Tacqueria Mexico. Enaaj wōr al im kōjan̄jan̄ jān Gente Privada, Estila Rancho Viejo, Big Piph, L.I.F.E., Mark Harmony, DJ Afrosia, Jordan Strickland im Matt Magerkurth. Ilo 7PM, ilo Jones Center Plaza, ro raar koba tok renaaj maron̄ alooje juon pija eo enaaj kwaļo̧k jidikin būļāān (plan) eo an kāām̧pōj eo ekāāl.
Kwōmaron̄ RSVP ije https://jcgathering.splashthat.com/ ako kwōjab aikuje.