Salt Lake City, 2 Jānwōde 2021
Jeje jān William Swain
HAPPY NEW YEAR!!! Elan̄n̄e naan kein “kōttōpar”, “jipadpad”, “mejān kajjik”, rej jet ko kwōj kōjerbali ilo am konono ak kōjakļo̧kijen kaki jān iien n̄an iien, innām, eaikuij wōr am New Year’s Resolutions n̄an 2021. Aaet, resolutions ej kajin In̄lij ak ilo kajin Majōl naan emaron̄ resolutions emaron̄ kitbuuj aolep naan kein “kōttōpar”, “jipadpad”, ak “mejān kajjik.” Jet kein kōttōpar n̄an am watōki n̄an kobaiki waj ilo “mennin kōttōpar ko” am n̄an 2021:
1. Man ļo̧k Lakieliel in jej ņa etan COVID-19 Coronavirus. Jān jinoin 2020 eo n̄an kiiō, Lakieliel in em̧ōj an man bukwi-bukwi to̧ujin armej ilo Amedka. Men̄e ejjan̄in wōr enan̄in mej jān e ilo Majōl, jej aikuij biromōj kōn ri nan̄inmej ro em̧ōj aer mour jān nan̄inmej ko jet rar dieojļo̧k jān Majōl n̄an Philippines im Hawaii n̄an kōmadmōd in taktō ko rellapļo̧k, ak kiiō re “STUCK” ijōkein rar ilen taktō in. Ro jaar ekonono ke ej jibbon̄ rainiin ibber rej “quarantine” wōt ilo juōn hotel itulikin Manila en im rej jidik-ilok-jidik i er n̄an Majōl. Emān eo ar kelok kiiō jibbon̄ ak mōttan 20. Jar bwe vaccine ko ruo jān Pfizer im Moderna ren maron̄ jipan̄ kemour kōj.
Ewōr bar juōn “kwōd” (variant) in coronavirus in im ekkar n̄an jet taktō CNN ar quote ier rainiin, ekapopoļo̧k. Im ekkar n̄an Fox News broadcast eo Jādede eo, variant ak kwōd in em̧ōj an waļok ilo Arizona, Florida, Colorado im California. Likao em̧m̧anded men rein coronavirus in ekāāl variant ak kwōd in ejelōt er. Ejjelok wāween jelā rar bōk nan̄inmej in kōnke evjelok ian armej rein rar dieojļo̧k jān Amedka in ak taktō rein aer rej kajjeon̄ tōpar aolep armej ro ri nan̄inmej rein rar contact e er. Jerbal ļapļap. Kanuij kōjparok eok im baamle eo am jān nan̄inmej in.
2. Bar kōn ājmour: Je kar lōmņak ke em̧m̧an an juōn armej “tebu” ak “matōk.” Ak kiiō taktō rein ad ilo Amedka rej ba jon̄an eddo eo ad en ekkar n̄an jon̄an aetok eo ad. Rej ba jen exercise, ekitbuuj “kemouriri” menono eo am, ejjab ekkotak wōt ak kakiaj, ettal, jejerabalbōl. Jolok jowat im kadikļo̧k mōn̄ā “fast food” ak mōn̄ā eļapļo̧k leen wōjke ko im nōbba ko. Kajjeon̄ kaliktit eok jān rain mou, eļaptata elan̄n̄e kwe juōn eo ej aikjete nan̄inmej in tōn̄al.
3. Riiti 5 bok im jeje ko: N̄e kwo naaj alooj college basketball kwo naaj ron̄ an “announcer” ro ilo game kein ba etan Coach V. (Coach Jim Valvano). Coach in e kar mej jān kāānjōr jet ron̄oul jima iiō remootļo̧k ak rej ekononom wōt kake rainiin bwe team eo an eaar kaluji University of Houston’s Slamma Jamma Team, coach eo aer ej Guy Lewis. Slamma Jamma team in ilo tōrre eo e kar nōba 1 ilo Division 1 College Basketball im rikkure ie e kar kitbuuj Clyde Drexler im Akeem Olajuwon, ro jet iiō tok ālik rar kadelon̄ er ilo NBA Hall of Fame. Coach V ewōr juōn Foundation em̧ōj licit ilo etan in ej kajjeon̄ jumae kāānjōr. Naan in kapilōk eo an ilo jipiij eo an āliktata ilo television: “Jilu men kwōj aikuij kōm̧m̧an bwe kajjojo raan ko am ren lemōņōņō: “ettōn̄dikdik, riit, kolmānļo̧kijen.”
Jān bok kein kwo naaj riiti, bōk 5 naan rekāāk i’mejam im lale melele ko aer im wāween kōjerbali ilo am ekkonono, kajjojo raan. N̄an rainiin ij lore wōt naan in kapilōk in im ij lo ke elōn̄ļo̧k naan ilo kajin Majōl im In̄lij ijelā. Baj kōm̧m̧ane im lale mōk men in enaaj jipan̄ ke eok ilo mour eo am.
4. Loor jon̄ok ko rem̧m̧an: Wiik eo im̧aan Christmas eo iaar ukook n̄an juōn likao in Majōl eo e kar ko̧kkure innām lak mōj man juōn leddik jidikdik. Ke iaar uklok n̄an e, eaar pād ilo kalbuuj. Likao in 24 an iiō tōmak eo an, n̄e enaaj etal n̄an jikin ekajit, ri ekajet eo enaaj kaje e kōn “community service.”
Eaar kanuij ilbōk ke psychiatrist eo eaar ba n̄an e ke jorrāān eo eaar kōm̧m̧ane ejjelok community service ie. E kar kwalok ilo iien interview in ke jet liano in Majōl rar ba enaaj kōm̧m̧an community service; eļap wōt an nana jon̄ok in likao rein mōttan rar lelo̧k bwe en loore.
Jān jinoin aō jipan̄ ukook n̄an kiiō, iturinļo̧k 25,000 ian case kein rekitbuuj dān in kadōk, traffick im spousal abuse. Men in ej kalikkar n̄an n̄a bwe kōj likao im jiron̄ in Majōl, je lak kadōk je oktak im jelā kajin pālle im kanuij lāj. Iaar jipan̄ kōjeppel ruo likao rej irre ak rej kajin pālle. Ejja likao rein wōt ke rar jāde im̧aan jikin ekajet, raar ikōn̄ āinwōt nin̄nin̄ in kijdik ej kab lotak.
Kadōk ejjab jelōt wōt liako emmanded ro. Allōn̄ eo lok iaar ukook n̄an juōn emmaan 72 an iiō. Eaar bidaak im jamjam. Kōn menin, eaar kwo̧o̧t biiia ilo 7-11. Pilijmā̄ā ro re lak kar jibwe ejjab jelā wōt kajin pālle, ak e lak kar kāto-ketak eļap an witil āinwōt Lakdik Pālpāl eo ilo bwebwenato ilo Ebon—eaar bōk lalem pilijmāān n̄an anjo̧ ioon. Ak ke ij iione ilo court e lukkuun kar wudiddid men̄e Julae eo kiiō eaar kanuij bwil.
Juōn kōrā kar kalbuuji bwe eaar ilen bukwe leo pāleen im ajiri ro nejierro. Ewi toon an naaj pād ilo kalbuuj, ijaje ak ijelā ke e ban dieoj ilju ak iiō kein 15 rej pedotok. Ak ewi naan kein: “Jined kiped” im “jinōm ekōjatdik eok”— rō le itu ia? Jon̄ok rot in eaar kwalok bwe ajiri ro nejin ren loore?
Juōn kōrā in Mili eaar kaik bar juōn kōrā ej kōttar bus men̄e ejjelok ruōn kōrā in eaar kaiki ak kōnke ke e matōrtōr e. Kōrā in kiiō ewōr an rekot ilo court im jekanuij biromōj kōn jon̄ok in eaar kwalok n̄an ajiri ro nejin. Juōn jinen baru e ban ba n̄an baru jiddik ko nejin bwe rej tōbal m̧aanļo̧k n̄e ejelā wōt wārāār kōn tu katin.
Likao im jiron̄ in Majōl, elan̄n̄e komij jab kōņaan kalbuuj ak bakiin̄, kōm̧m̧an ami driver’s license im insure e wa eo waam. Jon̄ok eo in. Loori traffick law ko im kwo ban jolak jāān im pād ilo community service āinwōt likao e eaar ettōr 100 mph ilo 25 mph zone. Ta uwaak eo an n̄an pilijmāān ro: “iaar kōņaan jelā m̧ool ke wa e emaron̄ ettōr 100 mail juōn awa.”
Ak bwe kwōn jab pād ilo jekjek eo 4 likao im jiron̄ in Majōl rar pād ie. Re kar aolep kadōk ekoba ri kattōr eo. Highway eo raar ettōr ioon 35 mph wōt jon̄an iim eo ie. Wa eo ar jāpilpil emān alen im eaar Irak ippān bar jet wa im ke eaar bōjrak jilu juōn likao im juōn kōrā raar mej; jiron̄ eo juōn rainiin e ban jerbal bwe ejorāān diin im diin neen pein im pein—enan̄in āinwōt ajiri rainiin. Kadōk im kōjerbal ejjab jelōt wōt kwe eo kwōj kōjerbale ak re bar jelōt kwe, n̄a, baamle eo am, im ro kwo jan̄in kar jelā kajjeer ipeļaakūm. Jiron̄ in ijin, kiiō kwe im n̄a—ro rej kōllā ewōj—jen najidiki, keidaake im kōkalkale.
5. Jen m̧ool n̄an doon. Jorāān eo in eļap ad tōmak ilo im loore naan in “mōmm̧aan in monmoņe doon. Naan in emōj an debloke kabun̄, kien, im jukjukin pād ko ad. Mōttan wōt jidik 100% in ri Majōl rej ba er ri kristian. Elan̄n̄e m̧ool men in ejjab aikuij wōr “guile” ak mon ilo ad ekkonono. Ri pālele rej moņe doon n̄an ņooji jerbal ko aer. Men in ekanuij ļap ippān elōn̄ ri jerbal in kien ro ad. Juōn men in aer uitiej bōro.
Juōn ri kaki in eklesia eaar kallimu im̧aan elōn̄ ke juōn ian deacon ro an enaaj recommend e bwe en pād ilo kaminene im jikuul ko an ri kaki. Decon in eaar kamōj an jerbal bwe en pād ilo kaminene kein an ri kaki. Men eo de eo deacon in eaar aikuiji ej leta in recommendation eo an ri kaki in an. Rainiin, likao jon̄an an ettoļo̧k jān kaminene kein āinwōt kōtaan en ikōtaan Mili im Tobi. Men in ej kwalok ke wōr parisi im sadusi ilo kabun̄ kein ilo jukjukin pād in ad im wāween ad bukweļo̧k er ej n̄e jenaaj kōjedmatmat kalummur kein rej kōm̧m̧ani im rejjab m̧ool.
Imaron̄ kar likit to̧ujin waanjon̄ok ijin ak ejabwe jikin. Ak ijelā ke elōn̄ resolution ak am kōttōpar rem̧m̧anļo̧k jān kein. HAPPY NEW YEAR!!!