English: https://aejemjem.com/venceremos-advocates-for-worker-rights-in-chicken-industry
Ukok jān William Swain
Em̧ool mokta jān nan̄inmej in ebedjake laļ in (pandemic), jekjek ko ilo jikin jerbal ko ilo imōn kōm̧m̧an kanniōk rekkar baj kauwōtata n̄an ri jerbal ro. Ripoot ko remootļo̧k rar āliji im bar āliji ke rekar lo bwe ijoko jikin kōm̧m̧an kanniōk in bao ko ie re kar jerbal ko rekauwōtata em̧ool n̄e keidi n̄an jerbal ko jet watōki bwe rekauwōtata āinwōt ekkal, kōm̧m̧ani waan ettōr ko, steel im jikin mwijmwij alal ko. Tyson Foods ej kōjerbal jet kōppeļaak ko n̄an lali ia ko kauwōtata in an kij in (virus) naaj ererakļo̧k ie ilo jukjukin pād eo ilo factory ko aer ekūtbuuj kōjerbal bōd ak aeen n̄an kōjenolok workstation ko an ri jerbal, bōk bwilin aolep ri jerbal im kakōlkōl aolep ri jerbal ilo factory ko aer kōn covid-19.
Men̄e factory ko ilo bukwōn (state) ko jet re kar kili n̄an kalōt aer karreoiki, factory in kōm̧m̧an bao ko ilo Arkansas ituiōn̄-turilik rejan̄n̄in kilōk. Tyson Foods im Kōbna Hutchinson jimor re lak kar kōjekdooni iktōltōl ko jān douluul ko rej rie jim̧we ko an ri jerbal āinwōt Venceremos im ukōtļo̧k eddo n̄an itūrool ko an manit kein an ri jerbal rein ippān doon im ererak eo an kij in make ilo jukjukin pād in. Jekdoon ļapļo̧k in an ri jerbal nan̄inmej, factory kein ilo Arkansas re kar JAB pelļo̧k wōt ak rar kōļapļok kanniōk rej kōm̧m̧ane.
Ilo tudepakpak in, ri jerbal ro ilo jikin kōm̧m̧an kanniōk jab kein (poultry plants) edik ainikier ilo ekkonono ko an union jān jikin kōm̧m̧an kanniōk ko jet. Juōn mōttan jilu wōt in ri jerbal in imōn bao jān ijen n̄an ijen ilo United States in rej uwaan United Food im Commercial Union eo. Ijoke, Tyson Foods, eaar uwaaki kajjitōk ko lilok im letok tour ko n̄an ri tōl ro an kien, CDC, im Consulate General eo an Ri Majōl Eldon Alik im Dr. Sheldon Riklōn̄. Tyson Foods e lak kar uwaaki karuweinene ko n̄an ekkonono kōn aikuij ko an jukjukin pād eo ippān Marshallese COVID-19 Taskforce eo. Chikin Melele enaaj ripoot eļapļo̧k kōn ekkonono kein.
Tyson Foods e lak baj penļo̧k an uwaaki ri jerbal in Latinx ro im douluul eo aer Venceremos. Naan in Venceremos melelein “Jenaaj ellā ioon” ak “We will triumph” im ej itok jān maki ko in iiaio ko ilo South Amedka. Venceremos e kar kaan̄ōlļo̧k mejān media ko kōn an kajutan elōn̄ iktōltōl ko ņae jekjek in jerbal ko rej kōm̧m̧an ilubwilijin pandemic in kein an ri jerbal rein ilo imōn kōm̧m̧an kanniōk kein. Ilo Māe eo, Venceremos eaar kajutake juōn Caravan of Justice ak juōn iktōltōl eo me armej rej kattōr wa ko waer ie kōn 50 armej rej kitōltōl im̧aan Tyson Plant eo ioon Berry Street. Ilo Juwūn eo, 89 armej rar jāde n̄an maaj deblo̧ke downtown Springdale im jiron̄e kōbņa eo n̄an kiili jikin kōm̧m̧an kanniōk ko im kōtļo̧k bwe ri jerbal ro ren quarantine. Im, ilo allōn̄ in, enan̄in 30 armej rar pād ilo juōn rally ilo state capital eo ilo Little Rock ijo im Vencermos eaar tilmaakeļo̧k juōn petition eo elōn̄ļo̧k jān 2,300 rar jaini im juōn leta n̄an state kōbņa eo im kūr n̄an emakit an kien n̄an ekkonono kaki jorrāān ko ilo jikin kōm̧m̧an kanniōk ko.
Iktōltōl kein kaan̄ōltok māj n̄an jorrāān kein im ekōjkan er nebar ri jerbal rein bwe rej jet rekanuij aorōk (essestial workers) ak rej jet ri jerbal ro im jikin kōm̧m̧an kanniōk kein rej watōk er epidodo joļo̧k er. Juōn likao jatin juōn lain supervisor eo ilo Tyson Food Berryville plant eo ear kōmmeleleiki metal eo 8 ņe aetokan im re kar kōļaake ikōtaan workstation ko. Eaar ba bwe men̄e wall ko rem̧m̧anļo̧k jān “ko̧o̧j ko kajirere kaki” ilo factory ko ilo Springdale em̧ōj aer ukōt ri jerbal ro n̄an “bao in kōmakoko.”
Venceremos im Marshallese COVID19 Taskforce eo jimor re lak kar kajjitōk bwe jikin kōm̧m̧an bao ko ren kōm̧m̧an elapļo̧k jān wōt na melon covid kakōlkōl ko ilo aolep factory ko aer im kein kaitoktok-limo ko n̄an ri jerbal ro rej ba reaorōk. Re kōņaaņ dipped in sick leave benefit ko im kilōk in factory kein kōn tōrean in ruo wiik diktata n̄an m̧wilal in karreo.
Magaly Licolli eaar ekkonono ippān Chikin Melele kōn jerbal eo an ilo iiō ko lalem remootlok kajutki jim̧we kein an ri jerbal rein. Eaar jerbal ippān Albious Latior jān 2014 n̄an 2016 eo ilo NWA Worker’s Justice Center mokta jān an kajutake Venceremos n̄an lukkuun kajimjek wāween an jipan̄ ri jerbal ro ilo jikin kōm̧m̧an kanniōk ko. “E kanuij pen” liin eaar ba kōnke jon̄an kajoor eo an Tyson Foods ilo economy in ilo Arkansas. Eaar wōnm̧aanļo̧k im kōmeleleiki bwe ej lukkun jipadpad eo in bwe ren “ajeeje ri jerbal ro kōn kajin im manit ko aer.”
Venceremos enan̄in aolepān douluul in ej armej in Latin Amedka (Latino), ak Licolli ej kōjatdikdik bwe Venceremos e maron̄ kōkajoor aolep ri jerbal. Ej ba, “N̄a ij juōn Latina, ak ej n̄an aolep. Ri Majōl remaron̄ itok n̄an Venceremos n̄an kōkajoorļo̧k jukjukin pād eo aer. Em̧ool ilubwilijin jukjukin pād ko an armej in Latin Amedka, eaar kanuij aorōk n̄an kōmo jeppelļo̧k ko ilubwilijin ri Salvador, ri Mejiko, im ri Puerto Rico.
Magaly Licolli eaar itok n̄an aelōn̄ in ilo 2004 eo jān Mejiko City im, kadieojļo̧k jān University of Arkansas. Liin ear ļap an kōjatdikdik ilo wāween an kar ruttoļo̧k ilo an bwebwenato im tieta n̄an bōktok ri jerbal rein ippān doon. Ej ba bwe “aolepādwōj jej ekkatak jān doon. Ilo aolep manit kein, gender ko, im kajin, kōj aolep ewōr ad bwebwenato n̄an kwaloke im ekkatak jān doon.”
Nan̄inmej in ebedjake laļ in āliktata ej kab bōkļo̧k mejād n̄an jekjek ko ri jerbal rein rej jerbal ie ilo imōn kōm̧m̧an kanniōk ko im Venceremos ej ba e iien likit eddo in ioon factory kein elan̄n̄e ejjab n̄an kien eo innām n̄an ri jerbal ro aer im armej ro rej wiaik men ko rej kwaļo̧ki.