Bwebwenato in juon sponsored article jān the Jones Campaign. Read in English – Who is Chris Jones? View video recordings in Marshallese and English – Full Interview.
Juon bwebwenato ippān Chris Jones, eo ej karreelel n̄an kabna eo an Arkansas. Kwomaron̄ bout ilo Oktoba 24 – Nobōm̧ba 8. Im Chikin Meļeļe ej kajjitōk ippān: wōn in Chris Jones im etke en kabna?
Baam̧le eo an Chris Jones etto an pād jiljimjuon epepen ilo Arkansas. Ke eaar jodikdik, eaar ikkure nabōj im ettōr dirt bike. Ilo jikuuļ eaar ikkure football. Ilo college, eaar katak physics im math. Ejab maron̄ kōtōprak ikdeelel eo an n̄an astronaut akō eaar kadiwōjļo̧k kōn juon masters ilo nuclear engineering im doctorate ilo urban planning.
Lio ippān, juon captain ilo airforce, ej juon taktō eo e jerbal ilo jikin idin̄. Ej barāinwōt state medical director n̄an m̧aanjāppopo kōn iien in jerata. Ewōr jilu nejierro leddik.
Chris Jones ej jokwe ilo Little Rock akō eaar dik im rūttoļo̧k ilo Pine Bluffs. Jemān ej juon rikaki in kabun̄ im Chris ededeļo̧k an register n̄an minister. Ej kate jon̄an wōt an maron̄ n̄an kautiej Anij ilo an jerbal in ri kaki, peejnej, im kien.
M̧oktaļo̧k Chris Jones eaar itok n̄an Springdale ippān juon pop-up an maker space. Jān iien in pop-up eo, eaar loļo̧k Stroll the Atoll im Good Shepherd Lutheran Church n̄an M̧anit Day.
Ekar loe iakwe eo an ri M̧ajeļ ro ijo akō ewōr jet aban̄ ilo an karuwaineneki aolep armej jekdoon ri-ia, āinwōt ri Kilmeej, ri Latinx im ri Majeļ ilo Springdale. Ej ba jej kajoorļo̧k ippān doon ilo ad jeer jeraam̧m̧an ko.
Ewōr an lōm̧ņak n̄an ajeliklok maron̄ im jiban̄. Etan lōm̧ņak in PB&J. Āinwōt Peanut Butter im Jelly akō Pre jikuuļ, Broadband, im Jerbal.
P: Aolep ajiri rej aikuj maron̄ pre jikuuļ. Bwe ren maron̄ kadiwōjļo̧k im wanlōn̄ļo̧k ilo jikuuļ, jerbal an kapeel, akō peejnej.
B: Eaorōk n̄an kōkkeitaak aolep armej ilo ukok meļeļe ko ilo kajin ko jet, kajutak m̧ōko im iaļ ko, kōļapļo̧k wāween onlain, im kōpidodoļo̧k wāween bōk jiban̄ ilo iien aban̄ ko.
J: Im eaikuj lōn̄lak jerbal ko. Ilo Springdale, elōn̄ jerbal ippān Tyson akō n̄e kwōkōnaan kōtōprak jet kain jerbal ko jet en wōr iaļ n̄an jabdewōt jerbal kwōkōnaan.
Eaorōk n̄an kile unin an ri M̧ajeļ ro rej jokwe ilo Springdale. En̄in kuņaan Amedka n̄an bōktok ri M̧ajeļ ilo aer kaunjel im bebe ilo kien eo. Eļapļo̧k ad kajoor n̄e ekoba aolep jekdoon ia eo rej itok jān e ak jon̄an kobban bojo ko aer.
Eaorōk kōkāālel eo kiiō bwe ālikin ruwalitōk iiō enaaj jem̧ļo̧kin term in jerbal eo an Gov. Hutchinson. Im ilo kōkāālel in ewōr kelet ikōtaan Chris Jones im Sarah Huckabee Sanders. Im ilo an jerbal, Chris Jones ej kam̧oole kaļļim̧ur eo an n̄an kōkobaiki aolep armej. Jouj im bouti n̄e ewōr am̧ maron̄ ak rōjan̄ ro jet n̄an bout.
Ewōr bwebwenato eo an bumblebee, juon mennin mour eo ekilep ānbwinnin im ejjab aikuj in maron̄ kāļo̧k. Akō ewōr kajoor kōn an koto ium̧win bumblebee n̄e ekōļapļo̧k an m̧akūtkūt pā in kāļo̧k ko an. Āinwōt aer ba juon ri kilmeej eo ejjeļok juon ejeļā kajjien eban wiin bōtab Chris ejab kōtļo̧k an lōm̧ņak in kajabwebweki. Ej ba ilo ad jerbal ippān doon jemaron̄ kōtoprak kaļļim̧ur eo an Arkansas.
Ewōr meļeļe ko jet ilo www.chris4govenor.com/vote. Kepaak opeij eo an ilo Fayetteville ilo 479-222-0160 akō bōktok am̧ kajjitōk n̄an e ilo www.facebook.com/jonesforar. N̄e ejjeļo̧k am̧ maron n̄an bout ilo Arkansas kwōmaron̄ rōjan̄ ro jet n̄an bout n̄an kōj wōj.
